【天下無敵二人晚餐】

步入年尾,除咗迎接新一年之外,最重要嘅當然就係令男士們聞風喪膽嘅「一D都唔浪漫捱貴餐三步曲」,亦即是傳說中嘅聖誕、除夕同埋情人節,需知道,大時大節食好西是常識吧!當然,出得嚟行就預咗要還,食好西係要付出代價,之但係呢三個充滿住浪漫氣息嘅節日,就唔好話西餐,恐防西多士都食到你破產!

C9明有見及此,決定施展渾身解數,教曉大家煮出浪漫好西!今次教大家煮嘅二人晚餐包括有:水牛芝士蕃茄沙律、黑松露卡邦尼扁意粉及澳洲肉眼牛扒配香炒大啡菇拼薯仔,而所有材料只需一間普通超市就搞得掂,絕對係集方便、抵食夾大件於一身!

C9明-水牛芝士蕃茄沙律

Posted by Marry Me 愛。婚訊 on 2017年12月16日

材料(二人份量):
水牛芝士                  買一包隨你落
新鮮蕃茄                  2 個
九層塔 Basil             買一樽隨你落
鹽                          少許
黑胡椒                    少許

做法:
1. 蕃茄切粒(大細隨你)
2. 加入鹽和黑胡椒調味
3. 加入九層塔和水牛芝士
4. 兜亂,完!

 

C9明-黑松露卡邦尼扁意粉

Posted by Marry Me 愛。婚訊 on 2017年12月16日

材料(一人份量):
扁意粉                   一人份(樽裝飲品樽口塞滿)
煙肉 Pancetta        一片(也可用普通煙肉片)
蒜頭                     一粒
鹽                        少許
黑胡椒                  少許
橄欖油                  少許
黑松露醬               少許(全餐飯最貴係佢因為你要買一樽,但一樽又可以用好多次,而且佢用途好廣)
蛋                        一隻(一般做法就要黃唔要白,但我唔想浪費所以會要埋,反正味道唔差好遠)
芝士碎 Parmesan   買一包隨你落

做法:
1. 滾水落鹽,再加入扁意粉,計時 5 分鐘
2. 煮意粉嘅同時可預備食材,將煙肉切條,蒜頭切片,用一隻大碗將蛋、芝士和黑松露醬拌勻備用
3. 5 分鐘後,熱鑊,落煙肉條(不用落油),煎至香脆
4. 煙肉條呈焦狀,加少許橄欖油,落蒜片,加入黑胡椒少許
5. 蒜片煎至金黃色,與此同時扁意粉可以關火,直接將扁意粉連同少許意粉水加入鑊,再加入黑胡椒少許
6. 煮至收水後關火,將鑊中物倒入大碗與蛋、芝士和黑松露醬拌勻
7. 拌勻後上碟,撒上少許黑胡椒和芝士碎,完!

 

C9明-澳洲肉眼牛扒配香炒大啡菇拼煎薯仔

Posted by Marry Me 愛。婚訊 on 2017年12月16日

材料(一人份量):
肉眼牛扒                       一塊
大啡菇                          兩個
細薯仔                          二至三個
蒜頭                             三粒
洋蔥                             1/4 個
鹽                                少許
黑胡椒                          少許
橄欖油                          少許
牛油                             少許
百里香 Thyme               買一樽隨你落
迷迭香 Rosemary          買一樽隨你落

做法:
1. 大啡菇切片,洋蔥切碎,一粒蒜頭切碎,薯仔切半放入滾水煮熟後放碟備用
2. 熱鑊至出煙,加入少許橄欖油,牛扒用鹽和黑胡椒兩邊調味
3. 放入牛扒,煎約30秒翻面,加入兩粒蒜頭、百里香和迷迭香
4. 30秒後再翻面,加入牛油,將熱溶的牛油淋到牛扒上,然後置碟備用,並將鑊中牛扒汁淋到牛扒
5. 加入少許橄欖油(不用換 / 洗鑊以保留牛扒的風味)
6. 加入大啡菇片、少許鹽和黑胡椒炒至乾水,再加入洋蔥粒、蒜粒、百里香和牛油炒勻,置碟備用
7. 加入少許橄欖油,放入煮熟的薯仔、少許鹽和黑胡椒,煎至焦化,再加入迷迭香炒勻
8. 將牛扒、大啡菇和薯仔上碟,完!

 

C9明

人每日咁辛苦做嘢都係為咗「搵食」,豈能「馬虎」?但係百物騰貴,就算餐餐食「老車」都食你一半人工,可惜返到屋企又唔識煮,唔通餐餐都「雞蛋兩隻,糖呢就兩茶匙」咩!

睇見呢個食都無啖好食嘅世界,正所謂「佛都有火」!為左拯救社會上千千萬萬嘅飢民,決定化身C9明,教大家自己煮都可以「食得招積」,咁比錢就自然「比得舒適」啦!

LEAVE A REPLY

Please enter your comment!
Please enter your name here